L’è el ventinœuv de luj del mila nœuvcent
A Monscia gh’è ‘l re Umbert Prim
E intorna un mar de sgent
Gh’è na festa de sport, radun dei Liber e Fort
E quel re sà propi minga
Che a moment lù sarà mort
La storia ve conti de’l scior Gaetan
Che ha copad el re, vegnud chì de lontan
Del continent american,
L’era emigrad, ma pœu
L’è a Monscia tornad indree
Per podè mazzà el re
Tutt el comincia in del vottcent novantott
A Milan in dei strade
Gh’era pesg de un quarantott
In quell ann la pora sgent la pativa pesg dei can
Perche in gir de majà
Gh’era nanca un toch de pan
La sgent in strada inscì l’è nada sgiò
A protestà che de majà ghe n’era nò
Quest a quajdun in volt però
Gh’è piasud minga e el g’ha mandad
‘N armada a regondà, soldad a Milan lì per copà
Un general canaja, el Bava Beccaris gh’è nad
E quest l’ordin l’ha dad
Che i canon sien lì per sparà
A l’altezza de l’om, nii minga tant per el suttil
Perché un canon, sii ben
L’è pussee prategh de un fusill
E i sgent crodaven giò in del sangh, stechid,
Almen dusent hinn stad mazzad quel dì
E el general l’è stad premiad
E la medaja el re g’ha dad, g’ha dit:
T’heet fad debon un grand servizzi a la Nazion
Gaetan intant lù l’era emigrad, un toscan
Senza pagura e debon prategh cont i man
‘N anarchich de quej dur, n’anarchich in del cœur
On personagg special minga cert de liber Cœur
L’era in dei Stati Unid a fa el tessidor
A Paterson viveva e tant a lesger passava i ore
E un dì che ‘l stava pogiad al mur
Sul giornal el ved quell
Che el re italian l’aveva fad
Lù el dis: Quell l’è de sistemà
Incazzad dent sta nò a pensaggh duu dì
Per i omen e done mazzad a Milan sgiò inscì
Copad in dei strade soltant
Perché gh’even fam
Tucc macellad debon
‘Mè se dev nò fa a un cristian
E quel general con la medaja indoss
Regal de l’Umbert, el dis Giust mandall al foss!
Gaetan de cert sta nò a ripos fa i su valise e pœu
A New York de corsa el va
Ciapa una nav per tornà a cà
Rivad in Italia lù el se dev preparà
Con la pistola in man g’ha de imparà a tirà
El spara a di bicer pogiad lontan, perché
Lù el vœul vèsser bell sicur
De reussì a becà quel re
G’ha propri in ment de giustizià el re Umbert
Quel om fiœu d’un can g’ha de morì de cert
E el sò destin l’è ciar avert e quand l’è pront el va
Per semper via de cà
El ciapa el tren per nà a Milan
Rivad in citaa ghe resta lì un quai dì
Pœu a Monscia el va e el rest l’è facil de intuì
G’han dit che re Umbert Prim
El sta in Villa Real
Sa ben che là dent lù de cert pœul nò mazzall
El varda allora i moviment del re
E pœu quand lù a la fin n’ha imparad assee
El torna minga cert indree
Ma va a la villa e un dì de sol d’estad, un dì bell
Gaetan g’ha in ment de fa un macell
Quest el moment, questa la situazion
Fœu de ‘l palazz gh’era almen milla person
Gran bella festa! Gaetan pensa, ma
Stasera a Monscia el re in cros sarà inciodad
Gh’è tant ginnast e tanti atlet de vardà
Quaidun el salta, quaidun el corr
Là in mezz al prad e el re content stava a gasgià
Sul palch el premia i vincitor e pœu indree el va
Su el sò birocc per tornà a cà
E el scior Gaetan in mezz l’è a tutta sta sgent
Se fa visin al re lù fasend finta de nient
Lù el varda ben tuscoss per ricognosser el re Umbert
Perché mazzà quel giust el vœul debon vess cert
La man in tasca e lì el se strensg in man
Quel sò ferrasc ch’el tira fœu pian pian
E el ponta al re minga lontan
Pœu lù decis el spara quatter colp e lì
El re in carrozza el vegn colpid
Porten de pressa el re ferid a l’ospedal
Ma quand ghe riven quell l’è ormai finid, copad
E dent in de la villa gh’è la regina che
Quand ghe disen: L’è mort,
Lee la piansg ma minga assee
De fœu Gaetan intant el vegn quasi linciad
De la sgent che la ruza e contra de lù la vœul nà
Però el difenden i soldad
Là in mezz el vosa: Mi hoo copad un principi, un re
E adess de viver mi ghe n’hoo assee
El ventinœuv de luj del mila nœuvcent
A Monscia gh’è ‘l re Umbert Prim
E intorna un mar de sgent
Gh’è na festa de sport, radun dei Liber e Fort
E ‘l re el saveva minga
Che a moment el saria mort
La storia mi hoo cuntad de’l scior Gaetan
Che l’ha copad el re, vegnud de lontan
Del continent american,
L’era emigrad, ma pœu
L’è a Monscia tornad indree
Per podè propi mazzà un re.
A Monscia gh’è ‘l re Umbert Prim
E intorna un mar de sgent
Gh’è na festa de sport, radun dei Liber e Fort
E quel re sà propi minga
Che a moment lù sarà mort
La storia ve conti de’l scior Gaetan
Che ha copad el re, vegnud chì de lontan
Del continent american,
L’era emigrad, ma pœu
L’è a Monscia tornad indree
Per podè mazzà el re
Tutt el comincia in del vottcent novantott
A Milan in dei strade
Gh’era pesg de un quarantott
In quell ann la pora sgent la pativa pesg dei can
Perche in gir de majà
Gh’era nanca un toch de pan
La sgent in strada inscì l’è nada sgiò
A protestà che de majà ghe n’era nò
Quest a quajdun in volt però
Gh’è piasud minga e el g’ha mandad
‘N armada a regondà, soldad a Milan lì per copà
Un general canaja, el Bava Beccaris gh’è nad
E quest l’ordin l’ha dad
Che i canon sien lì per sparà
A l’altezza de l’om, nii minga tant per el suttil
Perché un canon, sii ben
L’è pussee prategh de un fusill
E i sgent crodaven giò in del sangh, stechid,
Almen dusent hinn stad mazzad quel dì
E el general l’è stad premiad
E la medaja el re g’ha dad, g’ha dit:
T’heet fad debon un grand servizzi a la Nazion
Gaetan intant lù l’era emigrad, un toscan
Senza pagura e debon prategh cont i man
‘N anarchich de quej dur, n’anarchich in del cœur
On personagg special minga cert de liber Cœur
L’era in dei Stati Unid a fa el tessidor
A Paterson viveva e tant a lesger passava i ore
E un dì che ‘l stava pogiad al mur
Sul giornal el ved quell
Che el re italian l’aveva fad
Lù el dis: Quell l’è de sistemà
Incazzad dent sta nò a pensaggh duu dì
Per i omen e done mazzad a Milan sgiò inscì
Copad in dei strade soltant
Perché gh’even fam
Tucc macellad debon
‘Mè se dev nò fa a un cristian
E quel general con la medaja indoss
Regal de l’Umbert, el dis Giust mandall al foss!
Gaetan de cert sta nò a ripos fa i su valise e pœu
A New York de corsa el va
Ciapa una nav per tornà a cà
Rivad in Italia lù el se dev preparà
Con la pistola in man g’ha de imparà a tirà
El spara a di bicer pogiad lontan, perché
Lù el vœul vèsser bell sicur
De reussì a becà quel re
G’ha propri in ment de giustizià el re Umbert
Quel om fiœu d’un can g’ha de morì de cert
E el sò destin l’è ciar avert e quand l’è pront el va
Per semper via de cà
El ciapa el tren per nà a Milan
Rivad in citaa ghe resta lì un quai dì
Pœu a Monscia el va e el rest l’è facil de intuì
G’han dit che re Umbert Prim
El sta in Villa Real
Sa ben che là dent lù de cert pœul nò mazzall
El varda allora i moviment del re
E pœu quand lù a la fin n’ha imparad assee
El torna minga cert indree
Ma va a la villa e un dì de sol d’estad, un dì bell
Gaetan g’ha in ment de fa un macell
Quest el moment, questa la situazion
Fœu de ‘l palazz gh’era almen milla person
Gran bella festa! Gaetan pensa, ma
Stasera a Monscia el re in cros sarà inciodad
Gh’è tant ginnast e tanti atlet de vardà
Quaidun el salta, quaidun el corr
Là in mezz al prad e el re content stava a gasgià
Sul palch el premia i vincitor e pœu indree el va
Su el sò birocc per tornà a cà
E el scior Gaetan in mezz l’è a tutta sta sgent
Se fa visin al re lù fasend finta de nient
Lù el varda ben tuscoss per ricognosser el re Umbert
Perché mazzà quel giust el vœul debon vess cert
La man in tasca e lì el se strensg in man
Quel sò ferrasc ch’el tira fœu pian pian
E el ponta al re minga lontan
Pœu lù decis el spara quatter colp e lì
El re in carrozza el vegn colpid
Porten de pressa el re ferid a l’ospedal
Ma quand ghe riven quell l’è ormai finid, copad
E dent in de la villa gh’è la regina che
Quand ghe disen: L’è mort,
Lee la piansg ma minga assee
De fœu Gaetan intant el vegn quasi linciad
De la sgent che la ruza e contra de lù la vœul nà
Però el difenden i soldad
Là in mezz el vosa: Mi hoo copad un principi, un re
E adess de viver mi ghe n’hoo assee
El ventinœuv de luj del mila nœuvcent
A Monscia gh’è ‘l re Umbert Prim
E intorna un mar de sgent
Gh’è na festa de sport, radun dei Liber e Fort
E ‘l re el saveva minga
Che a moment el saria mort
La storia mi hoo cuntad de’l scior Gaetan
Che l’ha copad el re, vegnud de lontan
Del continent american,
L’era emigrad, ma pœu
L’è a Monscia tornad indree
Per podè propi mazzà un re.
×
![]()
